Foto: Videodan skrin
Pavlodar qalasynda segiz jasar qyzdyń taǵdyry jurtshylyqty bei-jai qaldyrmady. Oqýshy óz ótinishimen balalar úiine ornalastyrylǵan, dep habarlaidy Ult.kz KTK arnasyna silteme jasap.
Qyzdy jalǵyzbasty ákesi tárbielep kelgen. Alaida ol kórshilerine ákesiniń ózin úiden qýyp jibergenin aityp shaǵymdanǵan. Qazir bala balalar úiinde, sol jerde onyń týǵan aǵasy da tárbielenip jatyr.
Belgili bolǵandai, balalardyń anasy birneshe jyl buryn ata-ana quqyǵynan aiyrylyp, ótken jyly qaitys bolǵan. Al aǵasy jýyrda 14 jasqa tolǵan.
Qyzdyń ákesi buǵan deiin de ata-analyq mindetterin oryndamaǵany úshin jaýapqa tartylǵan. Tipti onyń qyzyn telefonmen urǵan sáti beinekameraǵa túsip qalǵan. Sol kezde ol tek aiyppulmen shektelgen. Qazir er adamdy ata-ana quqyǵynan aiyrý máselesi qarastyrylyp jatyr.
Oqiǵa qoǵamda úlken rezonans týdyrdy. Kóptegen azamattar qyzdy qamqorlyqqa alýǵa niet bildirgen. Alaida bul másele ázirge sheshimin tappaǵan.
Pavlodar oblysy boiynsha bala quqyqtary jónindegi ýákil Sáýle Shakenova bul jaǵdaiǵa qatysty túsinikteme berdi. Onyń aitýynsha, bala jalǵyz emes, onyń aǵasy bar bolǵandyqtan, aldymen ákesiniń ata-ana quqyǵyna qatysty másele tolyq sheshilýi qajet.
Qazirgi tańda qyz ózin jaqsy sezinedi. Ýákildiń sózinshe, ol balalar úiine beiimdelip, kóńil-kúii turaqty.
