Qazgidromet 23 mamyrda elimizdiń 7 óńirinde aýa raiyna bailanysty eskertý jariialady, dep habarlaidy "Ult aqparat".
Soltústik Qazaqstan oblysynyń kei jerlerinde naizaǵai kútiledi. Túnde jáne tańerteń kei jerlerde tuman túsedi. Ońtústikten jel soǵady, kúndiz kei jerlerde jeldiń jyldamdyǵy 15-20 m/s jetedi.
Kúndiz Qyzylorda oblysynyń kei jerlerinde shańdy daýyl soǵady. Shyǵystan jel soǵady, túnde kei jerlerde, kúndiz basym bóliginde jeldiń kúshi 15-20 m/s jetýi yqtimal.
Qostanai oblysynyń kei jerlerinde naizaǵai jarqyldaidy. Ońtústikten jel soǵyp, jyldamdyǵy 18 m/s jetedi.
Batys Qazaqstan oblysynyń kei jerlerinde naizaǵai, daýyl, burshaq kútiledi. Jel soltústik, soltústik-batystan soǵady. Jeldiń jyldamdyǵy 15-20 m/s jetýi yqtimal.
Mańǵystaý oblysynda kei jerlerde naizaǵai, kúndiz shańdy daýyl soǵady. Jel ońtústik-shyǵystan soltústik-batysqa aýysyp, jyldamdyǵy 15-20 m/s jetýi yqtimal.
Kúndiz Aqtóbe oblysynda ońtústikten jel soǵady, ekpini 15-20 m/s kútiledi.
Atyraý oblysynyń batysynda naizaǵai kútiledi. Jeldiń baǵyty ońtústik-shyǵystan soltústik-batysqa aýysyp, kúshi kei jerlerde 15-20 m/s jetedi.
Daýyldy eskertýdiń yqtimaldylyǵy 85-100 %.
