Foto: gov.kz
7 mamyr Otan qorǵaýshylar merekesiniń qurmetine kontsertter men áskeri sherýdiń tikelei efiri ótedi, dep habarlaidy Ult.kz.
Astana ákimdiginiń saitynda 7 mamyrda elordada ótetin áskeri paradqa kimder shaqyrylǵany jáne qalai ótetini týraly aqparat jariialandy.
Sherý ótetin jerde qaýipsizdik pen baqylaý sharalary kúsheitiledi.
Merekelik sherýge Uly Otan soǵysynyń ardagerleri, tyl eńbekkerleri, áskeri is-qimyldardyń ardagerleri, QR Qarýly Kúshteriniń úzdik bólimsheleri, qurmet qaraýyl rotalary, QR Qarýly Kúshteriniń, ózge de áskerler men áskeri quralymdardyń, áskeri quqyq qorǵaý organdarynyń jáne t.b. ardagerleri shaqyryldy.
Elordada 7 mamyr kúni mereke qurmetine kontsertter men áskeri sherýdiń tikelei efiri ótedi. Saǵat 11:00-den bastap úlken LED ekrandarda sherý birden birneshe orynda kórsetiledi:
Elorda ákimdigi ǵimaratynyń janyndaǵy qalalyq alańda (tikelei efir jáne merekelik kontsert);
"Astana Arena" stadionynyń aýmaǵynda (tikelei efir jáne merekelik kontsert);
"Astana Music Hall" avtoturaq aýmaǵy (Qumyra) B.Momyshuly dańǵyly, 1 (tek tikelei transliatsiia).
Sonymen qatar is-shara respýblikalyq telearnalardyń tikelei efirinde kórsetiledi.
Ákimdik myna jaittarǵa nazar aýdarýdy surady:
Sherý ótetin aýdanda kólik qozǵalysy shekteledi. Qozǵalys baǵytyn aldyn ala josparlap, ózgeristerdi eskerý kerek.
Quqyq qorǵaý organdary qyzmetkerleriniń qaýipsizdik erejeleri men nusqaýlaryn saqtaý mańyzdy.
Kórsetilgen ýchaskelerden ótý jáne jol júrý barlyq is-shara aiaqtalǵannan keiin qaita jandanady.
