Álem boiynsha 60 millionǵa jýyq adam pandemiia saldarynan kedeishiliktiń shekti jaǵdaiynda bolýy múmkin, dep sanaidy Dúniejúzilik Banktiń (DB) prezidenti Devid Melpas. Tiisti málimdeme seisenbi kúni uiymnyń saitynda jariialandy, dep habarlaidy "Ult aqparat".
«Pandemiia jáne damyǵan ekonomikalardyń toqtap turýy 60 millionǵa jýyq adamdy kedeilikke ákelýi múmkin. Bul jaqynda kedeilikpen kúres jumystarynyń aitarlyqtai bóligin joqqa shyǵarady», - dep málimdedi Melpas.
Ol ekonomikalyq ósimge oralý úshin tótenshe jaǵdaiǵa tez jáne ikemdi áreket etý, halyqtyń kedei toptaryna, onyń ishinde aqshalai kómek kórsetý, jeke sektordy qoldaý jáne ekonomikanyń turaqtylyǵyn nyǵaitý qajet ekenin atap ótti.
Málimdemede Dúniejúzilik bank álem halqynyń 70% quraityn 100 elde indetpen kúresýge kómekteskeni aitylǵan. Jalpy alǵanda, Dúniejúzilik bank 15 ai ishinde pandemiia zardaptarymen kúresý úshin damýshy elderge granttar, nesieler jáne investitsiialar túrinde 160 milliard AQSh dollaryn bólýdi óz mindetine alǵan.
