Foto: qyzylqoga.kz
Tótenshe jaǵdailar ministrliginiń baspasóz qyzmeti 6 naýryz kúni 9 óńirde dabyl júiesi qosylatynyn habarlady.
"6-7 naýryzda elimizdiń soltústik, shyǵys jáne ortalyq óńirlerinde "Sý tasqyny kezeńi jaǵdailaryndaǵy tótenshe jaǵdailardy joiý kezindegi is-qimyldarǵa azamattyq qorǵaýdyń memlekettik júiesiniń basqarý organdaryn, kúshteri men quraldaryn daiyndaý" taqyryby boiynsha "Kóktem-2025" respýblikalyq komandalyq-shtabtyq oqý-jattyǵýdyń 2-shi kezeńi ótedi", - delingen habarlamada.
Oqý úilestirý jáne jetekshilik etý jónindegi respýblikalyq shtab Qostanaida ornalasady. Oqý-jattyǵý sheńberinde eki kún boiy Astana qalasynda, Aqmola, Shyǵys Qazaqstan, Qostanai, Qaraǵandy, Pavlodar, Soltústik Qazaqstan, Abai jáne Ulytaý oblystarynda profilaktikalyq is-sharalar kesheni ótkiziledi.
"Sonymen qatar "Barshanyń nazaryna!" dabyly boiynsha aýmaqtyq deńgeidegi qulaqtandyrý júiesiniń daiyndyǵyn tekserý maqsatynda elimizdiń 9 óńirinde 2025 jylǵy 6 naýryzda saǵat 11.00-de barlyq dybystyq elektr dabyldary qosylatyn bolady. Osyǵan orai tynyshtyq saqtap, úreige boi aldyrmaýlaryńyzdy suraimyz", - delingen TJM habarlamasynda.
