Alty aidan astam ýaqyt komada jatqan ulttyq ulan sarbazy ulttyq neirohirýrgiia ortalyǵynan úiine shyǵaryldy, dep habarlaidy "Ult aqparat" Stan.kz aqparat agenttigine silteme jasap.
Baýyrjan Momyshuly atyndaǵy 5571 áskeri bóliminiń sarbazy Erbaian Muhtar áli qalpyna kelmese de, aýrýhanadan shyǵarylǵan.
Dárigerler Erbaian Muhtardyń jaǵdaiy múshkil ekenin jáne kásibi meditsina qyzmetkerleriniń kútimin qajet etetinin aitady. Óitkeni ol meditsinalyq qyzmetkerlerdiń baqylaýymen únemi dári-dármek, antibiotikter, dárýmender alýy kerek.
Sarbazdyń týystary jeke dárigerlerdiń aqysyn tólei almai otyr.
Onymen qosa Erbaian Muhtarǵa múgedektik taǵaiyndalmaǵan, sebebi sot protsesi aiaqtalǵan joq. Jaqyndary onyń jaǵdaiy qaýyrt ekenin dáleldei almai otyr.
Eske salsaq, buǵan deiin Almaty oblysynda áskeri bólimde jaraqat alyp, alty ai boiy komada jatqan sarbazdyń anasy ádildik talap etkeni týraly jazǵan edik. Sodan keiin bas áskeri prokýratýra Erbaian Muhtardyń isine qatysty málimdeme jasady.
