Foto: © Sputnik / Vladimir Astapkovich
Uialy bailanys operatorlary 5G jelisiniń bazalyq stantsiialary ornatylǵan qalalardy atady, dep habarlaidy Sputnik Qazaqstan saity.
"Ksell" AQ basqarma tóraǵasy Ashat Ózbekovtiń aitýynsha, buǵan deiin 5G jelisinde radiojiilikterdi satý boiynsha aýktsion ótti. Sonyń nátijesinde árbir kompaniia litsenziialyq mindetteme aldy.
"Osy mindettemege sáikes, bes jyldyń ishinde 3 myńnan astam bazalyq stantsiia ornatylýy tiis. Biyl biz úsh respýblikalyq mańyzy bar qalada 5G jelisin quramyz. Qazirgi kezde 200-den astam bazalyq stantsiia Almaty, Astana, Shymkent, Túrkistan jáne taǵy basqa 10 qalada qurylǵan", - dedi Ózbekov ortalyq kommýnikatsiialar qyzmetinde ótken brifingte.
Al "Mobail Telekom-Servis (Tele2/Altel)" jaýapkershiligi shekteýli seriktestiginiń bas direktory Sergei Konkov 5G barlyq oblys ortalyǵynda bolatynyn málimdedi.
"Búginde bizde 5G-di qoldana alatyn barlyq abonenttiń sany shamamen 15 protsentti qurap otyr. Olarda osy jelini ustai alatyn uialy telefon bar. Osy kórsetkish ai saiyn ósip jatyr. Biz ol adamdardyń qaida júrgenin jáne qai jerde kóp ýaqyt ótkizetinin kórip otyramyz. Soǵan qarai bazalyq stantsiialardy da ornatamyz. Qazirdiń ózinde 5G bar, jeliniń aiasy keńeiip keledi", - dep atap kórsetti Konkov.
Eki kompaniia 5G qoljetimdi ekenin aityp otyr. Jeli qai jerde qosylǵanyn Ksell men Tele2-niń resmi saittarynda jariialanǵan kartadan kórýge bolady.
Aita keteri, buǵan deiin básekelestikti qorǵaý jáne damytý agenttigi 2022 jyldyń sońynda 5G jelisinde radiojiilikterdi bólý boiynsha ótkizilgen aýktsiondardyń qorytyndysy naryqtyń monopoliialyq qurylymyn kúsheitkenin habarlady. Sol kezde "Qazaqtelekom" toby jeńimpaz dep tanylyp, 5G jelisinde qyzmet kórsetý boiynsha 100% monopoliiany aldy. Oǵan Ksell men Tele2 kiredi.
