Foto: ashyq derekkóz
Aqmola oblysynda 58 mln teńgeden astam biýdjet qarajatyn jymqyrǵan esepshige qatysty sot úkimi shyqty. Bul týraly oblystyq prokýratýranyń baspasóz qyzmeti habarlady.
Prokýratýra júrgizgen tekseris barysynda Jaqsy aýdanynyń ishki saiasat, mádeniet, tilderdi damytý jáne sport bólimine qarasty «Aýdandyq mádeniet úii» MKQK qyzmetinde qarjylyq zańbuzýshylyqtar anyqtalǵan.
Atap aitqanda, mekemeniń esepshisi biýdjet qarajatyn júieli túrde óziniń jeke banktik shotyna zańsyz aýdaryp otyrǵan. Keltirilgen shyǵyn kólemi 58 mln teńgeden asqan.
Atalǵan derek boiynsha aýdan prokýratýrasy QR Qylmystyq kodeksiniń 189-baby 4-bóligi 2) tarmaǵy (senip tapsyrylǵan múlikti iri mólsherde jymqyrý) boiynsha sotqa deiingi tergep-tekserýdi bastap, is sotqa joldandy.
Sot úkimimen esepshi 7 jylǵa bas bostandyǵynan aiyryldy. Alaida Qylmystyq kodekstiń 74-babyna sáikes, jaza óteý 5 jyl merzimge keiinge qaldyryldy. Úkim ázirge zańdy kúshine engen joq.
Aita keteiik, buǵan deiin Qostanai oblysynda 3 mlrd teńge kólemindegi sýbsidiiany jymqyrý isi boiynsha da sot úkimi shyqqan bolatyn.
