Qańtar oqiǵasyna qatysqan 567 kúdiktige qatysty 346 is aiyptaý aktisimen sotqa joldandy. Bul týraly QR IIM Tergeý departamentiniń bastyǵy Sanjar Ádilov aitty, dep habarlaidy QazAqparat.
«Ishki ister ministrligi qańtar oqiǵasy boiynsha qylmystyq isterdi tergeýdi jalǵastyrýda. Búgingi tańda ishki ister organdary tergeýshileriniń óndirisinde 516 qylmystyq is bar. Olar boiynsha 14 adam kúzetpen ustalýda. 567 kúdiktige qatysty 346 is aiyptaý aktisimen sotqa joldandy. Olardyń kópshiligi jappai tártipsizdik ýaqytynda jasaǵan urlyq (424 adam), qarýdy zańsyz saqtaý (45), qarýdy urlaý (38), kólik quraldaryn aidap ketý (10), tonaý (9) jáne buzaqylyq (6) úshin jaýapkershilikke tartylýda», - dedi Sanjar Ádilov Ortalyq kommýnikatsiialar qyzmetindegi brifing barysynda.
Onyń dereginshe, sottar 388 adamnyń ishinen: bas bostandyǵyn shekteýge – 334 adamdy; qoǵamdyq jumystarǵa – 4 adamdy; aiyppulǵa – 4 adamdy sottady. 12 adam tatýlasýyna bailanysty qylmystyq jaýapkershilikten bosatyldy jáne 46 adam aýyr jáne asa aýyr qylmystardy jasaǵany úshin bas bostandyǵynan aiyryldy.
«167 sottalýshyǵa qatysty 86 qylmystyq is áli sottyń qaraýynda», - dedi ol.
Departament bastyǵynyń dereginshe, qabyldanǵan sharalardyń nátijesinde azamattar men biznes sýbektileriniń quny 343 mln teńgeden artyq urlanǵan múlki alyndy. Onyń ishinde 12 avtomashina, turmystyq tehnikanyń 317 birligi, 189 zergerlik buiym, 286 uialy telefon, 16 mln-nan astam teńge, kiimniń 550 birligi bar.
