Foto: Canva.com
15 sáýir kúni Qazaqstan aýmaǵynda teleradio habar taratý ýaqytsha toqtatylady. Bul týraly «Qazteleradio» habarlady.
Kompaniianyń málimetinshe, saǵat 03:00–17:00 aralyǵynda jerseriktik, tsifrlyq jáne analogtyq efirlik jelilerde josparly-profilaktikalyq jumystar júrgiziledi. Osyǵan bailanysty barlyq teleradioarnalardyń retransliatsiiasy ýaqytsha ajyratylady.
Mamandardyń aitýynsha, mundai tehnikalyq jumystar toqsan saiyn ótkizilip turady jáne habar taratý sapasyn jaqsartýǵa baǵyttalǵan. Osy kezeńde qosymsha jańǵyrtý jáne tehnikalyq tekserýler de júrgiziledi.
«Ýaqytsha qolaisyzdyqtar úshin keshirim suraimyz», – delingen «Qazteleradio» habarlamasynda.
