Videodan skrinshot
Qostanai oblysynyń ákimi Qumar Aqsaqalov ortalyq kommýnikatsiialar qyzmeti alańynda ótken brifing barysynda Jitiqarada 5 balanyń ólimine alyp kelgen órttiń sebebin atady, dep habarlaidy Ult.kz Stan.kz-ke silteme jasap.
Qumar Aqsaqalovtyń sózinshe, órt kezinde tek bir bala tiri qalǵan.
"Órt sebebi buǵan deiin de aitylyp júrgen. Balalar sol kúni úide jalǵyz qalǵan. Úidiń úlken balasy tańǵy 04:00 shamasynda oianyp, pesh jaqpaq bolǵan kórinedi. Sol kezde aǵashpen birge bótelke salyp jibergen. Saldarynan jarylys oryn aldy. Bala dalaǵa júgirip shyqqan, qaityp kelgende qaiǵyly jaǵdai oryn alyp otyr. Sol kúni Jitiqaraǵa baryp, kóz jumǵan balalardyń anasy jáne ájesimen kezdestik. Eki kúnnen keiin Jitiqara aýdanynyń demeýshilerimen kelisip, barlyq tehnikasy bar eki bólmeli páter alyp berdik. Qazir sol jerde turyp jatyr. Sondai-aq psihologiialyq kómek kórsetildi", – dedi oblys basshysy.
Qostanai oblysynyń ákimi turǵyndarǵa úndeý jasap, peshti der kezinde tekserip otyrýdy surady.
"Jylytý maýsymy aldynda tótenshe jaǵdailar departamenti áleýmettik osa top pen kópbalaly analar turatyn úilerdi aralaidy. Murjalar men peshtiń jaǵdaiyn tekserip, ne isteý keregin aitady. Sosyn kómir qyshqyl gazyn baqylaityn datchik ornatylady. Bul datchikter birneshe adamǵa kómektesti, osyndai jaǵdailar oryn alǵan. Biraq der kezinde dalaǵa shyǵyp, azamattar órtti sóndirip úlgergen. Al Jitiqaradaǵy jaǵdaida datchikter óship turǵan eken. Sondyqtan turǵyndarǵa aitarym, peshtiń jaǵdaiyn tekserip otyrý kerek, murjany tazalap, datchikterdiń jumys istep turǵanyn tekserińiz", – deidi ol.
Eske salaiyq, buǵan deiin Qostanai oblysynda úiden órt shyǵyp, shatyry opyrylýynan bes bala qaza tapqany týraly habarlaǵan edik.
