Foto: Polisia.kz
Shymkent qalasy politsiia departamentiniń kiberqylmysqa qarsy is-qimyl basqarmasynyń qyzmetkerleri internet-alaiaqtyqtyń birneshe deregine qatysy bar kúdikti áieldi anyqtap, ustady, dep habarlaidy Polisia.kz.
Kúdikti tanymal habarlandyrý qosymshasynda qymbat smartfondardy arzan baǵada satý týraly jalǵan aqparat jariialaǵan.
Atap aitqanda, iPhone 17 Pro Max telefonyn naryqtaǵy qunynan áldeqaida tómen baǵamen – 45 myń teńgege satatynyn kórsetken. Tiimdi usynysqa sengen qala turǵyndarynyń biri "satýshymen" bailanysyp, kórsetilgen shotqa aqshany aýdarǵan. Alaida qarajatty alǵannan keiin áiel bailanysqa shyǵýdy toqtatqan.
Kúdiktiniń osyǵan uqsas tásilmen jasalǵan 4 alaiaqtyq deregine qatysy bar ekeni anyqtaldy. Qazirgi tańda tergeý áreketteri júrgizilip jatyr.
