Aýa raiynyń buzylýyna bailanysty elimizdiń birqatar óńirinde eskertý jariialandy, dep habarlaidy «Qazgidromet» RMK baspasóz qyzmeti.
14 shildede Qyzylorda oblysynyń kei jerlerinde shańdy daýyl saqtalady. Oblysta jáne Qyzylorda qalasynda soltústik-shyǵystan soqqan jeldiń kúshi 15-20 m/s jetedi. Kúndiz 43 gradýs aptap ystyq bolady.
Osy kúni Qyzylorda qalasynda shańdy daýyl soǵyp, 41 gradýs ystyq saqtalady.
14 shilde kúndiz Aqmola oblysynyń kei jerlerinde naizaǵai jarqyldap, soltústikten jáne soltústik-shyǵystan soqqan jeldin ekpini 15-20 m/s deiin kúsheiedi. 14-16 shildede oblystyń kei jerlerinde 35 gradýs ystyq jáne óte joǵary órt qaýpi saqtalady.
14 shildede Mańǵystaý oblysynyń kei jerlerinde shańdy daýyl soǵyp, jel ońtústik-shyǵystan soltústik-batysqa aýysady. Jel jyldamdyǵy - 15-20 m/s.
Kúndiz kei jerlerde naizaǵai oinap, 38-41 gradýs qatty ystyq saqtalady.
Kúndiz 14-16 shildede Qostanai oblysynda jáne oblys ortalyǵynda 35-39 gradýs ystyq bolady.
14 shildede Qaraǵandy oblysynda soltústik-shyǵystan jáne shyǵystan jel soǵady. Kei jerlerde jel qarqyny 15-20 m/s jetedi.
Jezqazǵan qalasynda soltústik-shyǵystan jáne shyǵystan soqqan jeldiń ekpini kúndiz 18 m/s deiin kúsheiedi.
