Biryńǵai jinaq tólemin (BJT) 42 500 teńge áleýmettik tólem alýǵa ótinish bermei turyp tólegen durys. Bul týraly búgin Ortalyq kommýnikatsiialar qyzmetindegi onlain-brifingte QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy QazAqparat.
«Kelesi másele biryńǵai jiyntyq tólemi jaiynda bolyp otyr. Muny bir azamattar YouTube-ta, basqa jerlerde halyqqa: «Memleket sizderdi aldap jatyr. Beiresmi jumys istep júrgender bir ret qana BJT tólese jetkilikti degenderi ótirik. Ony sizder ai saiyn tóleýlerińiz kerek. Ai saiyn tólemeseńizder keiin moiyndaryńyzǵa qaryz qylyp iledi», dep túsindirip jatyr. Bul - jalǵan aqparat, senbeńizder. Bul - erekshe, tótenshe jaǵdaiǵa qatysty Zań. Sondyqtan siz beiresmi jumys istep júrseńiz, tirshilik jasap aqsha taýyp, sodan qazir aiyrylyp qalsańyz BJT-tyny bir ret qana tóleýińiz kerek», - dedi ministr.
Bul rette Birjan Nurymbetov biryńǵai jinaq tólemin 42 500 teńge áleýmettik tólemge ótinish bermei turyp tólegen durys ekendigin basa aitty.
«Osy kúnge deiin biraz azamat aldymen ótinishin berip alyp, odan keiin BJT-ny tólegen. Biz ony túsinemiz. Sondyqtan olardyń BJT-si túsip qalar dep ony tólep qoiǵan 100 myńdaǵan adamnyń ótinishin siz siiaqty jańylysqan adamnyń aqshasy túsip qalar deýmen ary qarai jibermei ustap otyrmyz. Sebebi, barlyǵyn biraq tekserýimiz qajet. Beiresmi jumys isteitinder aldymen biryńǵai jinaq tólemin tólep, odan keiin bir táýlikten soń ótinish bergenderińiz durys bolar edi», - dedi ol.
