Foto: ashyq derekkóz
Qazaqstan aýmaǵynda myńnan astam qumar oiyn túrine qoljetimdilik usynǵan «bingo37.pro» internet-servisiniń zańsyz qyzmeti anyqtaldy.
Atalǵan platforma arqyly «Crazy Monkey», «Keno», «Euro Game» jáne ózge de tanymal oiyndar usynylǵan. Oiynshylardy tartý jumystary Telegram jáne WhatsApp messendjerleri arqyly júrgizilgen. Jarnamalyq foto jáne beinematerialdar, túrli aktsiialar men bonýstyq baǵdarlamalar týraly usynystar taratylyp, qoldanýshylarǵa jeńil ári jyldam utysqa qol jetkizýge bolady degen túsinik qalyptastyrylǵan.
Aqsha aýdarǵannan keiin oiynshylarǵa platformaǵa kirýge arnalǵan loginder men qupiiasózder berilip otyrǵan.
Tergeý málimetinshe, qarajat qabyldaý jáne qarjy aǵyndaryn jasyrý maqsatynda kúdikti Grýziia men Tájikstan azamattaryn — droperlerdi tartqan. Olar Qazaqstanǵa arnaiy kelip, óz atyna bank shottary men abonenttik nómirler tirkegen. Keiin bul shottar men nómirlerge qoljetimdilik uiymdastyrýshyǵa berilgen.
Nátijesinde droperlerdiń atyna rásimdelgen esepshottar arqyly 3,1 mlrd teńgeden astam qarajat ainalymǵa túsken.
Sot qaýlysymen úshinshi tulǵalardyń atyna tirkelgen eki avtokólik — PORSCHE CAYENNE jáne LEXUS GX 460 memleket kirisine tárkilendi.
