Meditsina salasynda 30 jyldyq tájiribesi bar qaraǵandylyq medbike Alshagúl Isabaeva QazAqparat tilshisine óziniń jumysy týraly áńgimelep berdi, dep habarlaidy QazAqparat.
Alshagúl Isabaeva – Jambyl oblysynyń týmasy. Temirtaý qalasyna 1985 jyly kelgen.
«Men 1985 jyly Temirtaý qalasynda ornalasqan meditsinalyq ýchilishige oqýǵa tústim. Oqýdy bitirgen jyly mamandyǵym boiynsha jumysqa ornalastym. Bala kezimnen meditsina qyzmetkeri bolýdy armandadym dep aita almaimyn. Mýzykaǵa jaqyn boldym. Án salǵandy jaqsy kóretinmin. Ánshi bolamyn dep oiladym (kúldi). Meniń basqa qalaǵa ketý týraly sheshim qabyldaǵanymda ata-anam qarsy bolǵan joq. Sóitip, Temirtaý meditsinalyq ýchilishesine tústim. Bul mekeme áli jumys isteidi. Ata-anam meniń jaqsy jáne paidaly mamandyq tańdaǵanyma qýandy. Olar biz siiaqty úlken otbasyǵa bir meditsina mamany kerektigin aitatyn», - deidi keiipkerimiz.
Ol alǵashqy eńbek jolyn Temirtaý elektrometallýrgiia kombinatynda medbike bolyp bastady.
«Temirtaý elektrometallýrgiia kombinatynda bolashaq kúieýmen tanystym. Ol da sol zaýytta master bolyp jumys isteitin. Ekeýimiz 1988 jyly shańyraq kóterdik. Zaýytta 1995 jylǵa deiin jumys istedim. Keiin dekrettik demalysqa shyǵyp, úide otyrdym. Esterińizde bolsa, 90-shy jyldar qiyn boldy. Jumys joq. Halyq otbasyn asyraý úshin kez kelgen jumysty isteýge ázir edi. Men 2000 jyly Temirtaý qalasyndaǵy Narkologiialyq dispanserge jumysqa turdym. Sol jerde bas medbikege deiin kóterildim. 2012 jyldan bastap №4 qalalyq emhanada jumys isteimin», - dedi ol.
Alshagúl Isabaeva jumys barysynda ártúrli adamdarmen kezdeskenin aitty.
«Men kópbalaly otbasynda óstim. Bizdi ata-anamyz árqashan adamdarǵa kómektesýge úiretti.Tipti jumystan tys ýaqytta maǵan adamdar meditsinalyq kómekke júginetin. Men kómektesýge árqashan daiynmyn ári qýanyshtymyn. Kómek kórsetý – kásibi mindetim», - deidi ol.
Pandemiia bastalǵaly meiirbikelerdiń jumysy arta tústi. Temirtaý siiaqty shaǵyn qalaǵa da meditsinalyq qyzmetker qajet boldy.
«Pandemiia bastalǵan kezde bárine daiyn boldyq. Jazda koronavirýs órship, sharyqtaý shegine jetkende koronavirýsqa shaldyqqan naýqastar jatatyn infektsiialyq ortalyqta bir ai jumys istedim. Ońai bolǵan joq. Jaz. Ystyq. Biz skafandrmen júrdik. Qaýipti aimaqta boldyq», - dep eske aldy ol.
Búgingi kúni Alshagúl Isabaeva óziniń negizgi jumysymen qatar, koronavirýs infektsiiasyn juqtyrǵan balalardy tekseretin mobildi toptyń múshesi.
«Biz shaqyrtý túsken mekenjailarǵa baramyz. Qazir balalar jii aýyra bastady», - deidi ol.
Onyń aitýynsha, ártúrli meditsinalyq mekemelerde jumys isteý arqyly mol tájirbie jinaǵan.
«Meniń eńbek ótilim – 30 jyl. Men únemi qatarda boldym, áli de solai. Osy mamandyqty tańdaǵanyma ókinbeimin. Adam óz jumysyn jaqsy kóretin bolsa, jumystaǵy kez kelgen qiyndyqty jeńe alady. Eń bastysy, eńbegimiz adamdarǵa paida men úmit ákeletinin umytpaýmyz kerek. Otbasyma da ýaqyt tabamyn. Meniń úsh balam jáne bes nemerem bar», - dep túiindedi ol.
