«Briz-M» údetkish blogy men «Ekspress-103» jáne «Ekspress-80» reseilik telekommýnikatsiialyq ǵarysh apparattary bar «Proton-M» zymyran-tasyǵyshyn ushyrýǵa daiyndyq aiaqtalýǵa jaqyn.
Keshe, 2020 jyldyń 25 shildesinde memlekettik komissiia ǵaryshtyq maqsattaǵy zymyrannyń, mamandardyń, jerústi ǵarysh infraqurylymy obektileriniń ushyrýǵa daiyndyǵyn qarap, ǵarysh ailaǵynyń №200 start keshenine ǵaryshtyq maqsattaǵy zymyrandy shyǵarý týraly sheshim qabyldady, dep habarlaidy Roskosmostyń baspasóz qyzmeti.
Búgin tańerteńnen zymyrandy tehnologiialyq janarmai quiý alańynan starttyq keshenge tasymaldaý jáne ony ornatý jumystary bastaldy.
«Briz-M» údetkish blogy men reseilik telekommýnikatsiialyq ǵarysh apparattary bar «Proton-M» zymyran-tasyǵyshyn ushyrý 2020 jyldyń 30 shildesine, Nur-Sultan ýaqytymen 03:27:42-ge josparlanǵan.
«Ekspress-80» jáne «Ekspress-103» — «Ekspress-1000N» spýtniktik platforma bazasynda akademik M.F. Reshetnev atyndaǵy «Aqparattyq spýtniktik júieler» kompaniiasynda daiyndalǵan orta sanattaǵy reseilik telekommýnikatsiialyq ǵarysh apparattary.
Spýtnikter belgilengen jáne jyljymaly bailanys qyzmetterin, tsifrlyq teleradio habar taratýdy, «Internet» aqparattyq-telekommýnikatsiia jelisine joǵary jyldamdyqty, sondai-aq Resei aýmaǵynda jáne TMD elderinde C-, Ku- jáne L- diapazondarda málimet berýdi qamtamasyz etýge arnalǵan.
