Foto: medicalbusinesschool.com
Qostanaida memlekettik sýbsidiialardy jymqyryp, qylmystyq kiristi zańdastyrǵan 15 adamǵa sot úkimi shyqty. Bul týraly Qarjylyq monitoring agenttigi habarlady.
Tergeý derekterine sáikes, "Beef Export Group" JShS basshysy Parhomenko jetekshilik etken qylmystyq top sýbsidiialardy zańsyz iemdenýdiń kúrdeli shemasyn qurǵan. Oǵan aýyl sharýashylyǵy basqarmasynyń laýazymdy tulǵalary, aýdandyq deńgeidegi aýyl sharýashylyǵy taýar óndirýshileri men veterinariialyq mamandar tartylǵan.
Qaskóiler iri qara maldy satyp alý jáne ony qaita óńdeý boiynsha jalǵan qujattar rásimdeý arqyly agroónerkásiptik keshendi damytýǵa arnalǵan memlekettik baǵdarlamalar aiasynda júieli túrde sýbsidiia alyp otyrǵan. Qujat júzinde satyp alynǵan mal úshin tólengendei kórsetilgen qarjy keiin qolma-qol aqshaǵa ainaldyrylyp, baqylaýdaǵy uiymdardyń shottaryna qaita aýdarylyp otyrǵan.
Osynyń saldarynan memleketke 3 milliard teńgeden astam zalal keltirildi. Tergeý barysynda kúdiktiler 107 million teńgeden astam qarjyny erikti túrde ótegen.
Sot úkimimen qylmystyq shemany uiymdastyrýshy Parhomenko 14 jylǵa bas bostandyǵynan aiyryldy. Qalǵan 14 qatysýshy 6 jyldan 10 jylǵa deiingi merzimge sottaldy. Sonymen qatar, jalpy quny 3 milliard teńgege jýyq múlik, onyń ishinde 1,3 million AQSh dollary men 700 million teńge tárkilendi.
Úkim ázirge zańdy kúshine engen joq.
