Ispaniia premer-ministri Pedro Sanches 16 shildede elde koronavirýs pandemiiasynan qaitys bolǵan 27 000 adamdy eske alý memlekettik rásimi ótetinin málimdedi, dep habarlaidy "Ult aqparat" Associated Press agenttigine silteme jasap.
Sanchestiń aitýynsha, memlekettik rásimge Ispaniia Koroli Filipp VI, Eýropa odaǵy men Dúniejúzilik densaýlyq saqtaý uiymynyń joǵary laýazymdy sheneýnikteri qatysady.
Buryn habarlaǵanymyzdai, Ispaniia koronavirýs tarala bastaǵan sátten eń qatal oqshaýlaý rejimin engizgen. Indetti aýyzdyqtaý úshin elge eki aiǵa jýyq ýaqyt qajet boldy.
Ispaniiada 244 000 adam koronavirýs juqtyrdy. Eldegi pandemiia qurbandarynyń sany 27 136-ǵa jetti.
