Sinoptikter 26 mamyrda Qazaqstanda aýa raiy qandai bolatynyn aitty, dep habarlaidy "Ult aqparat" «Qazgidromet» RMK baspasóz qyzmetine silteme jasap.
Qazaqstan territoriiasynyń basym bóligi áli de joǵary qysym aýmaǵynda bolǵandyqtan kún ashyq bolady. Tek respýblikanyń batysy jáne soltústiginde Soltústik-batys tsiklonynyń áserinen kei jerlerde ótkinshi jańbyr jaýady. Naizaǵai jarqyldap, daýyl soǵady. Burshaq jaýýy yqtimal. Kei jerlerde jel kúsheiip, shańdy daýyl turady.
Aqmola oblysynyń kei jerlerinde shańdy daýyl, burshaq kútiledi, jel ekpini kei jerlerde - 15-20 m/s.
Soltústik Qazaqstan oblysynyń kei jerlerinde daýyl, túnde tuman kúteledi, túnde jel 15-20 ms, kúndiz 15-20, ekpini 25 m/s kúsheiedi.
Batys Qazaqstan, Qostanai, kúndiz Pavlodar, Qaraǵandy, Almaty oblystarynyń kei jerlerinde jel qarqyny 15-20 m/s jetedi.
Jambyl, Túrkistan oblystarynyń kei jerlerinde shańdy daýyl soǵady. Jel ekpini - 15-20 m/s, Túrkistan oblysynda - 23 m/s.
Atyraý oblysynyń kei jerlerinde jel jyldamdyǵy 15-20 m/s bolady. Kúndiz shańdy daýyl turady.
Qyzylorda oblysynyń kei jerlerinde shańdy daýyl soǵady. Túnde jel ekpini kei jerlerde - 15-20 m/s, kúndiz - 15-20, kei jerlerde 25 m/s deiin kúsheiedi.
Aqmola, Almaty, Jambyl, Qyzylorda, Mańǵystaý, Atyraý, Aqtóbe, Pavlodar, Qaraǵandy oblystarynda, Túrkistan oblysynyń batysynda, Mańǵystaý oblysynyń ońtústiginde, Batys Qazaqstan oblysynyń ońtústik-shyǵysynda, Qostanai oblysynda aptap ystyq bolady.
Shyǵys Qazaqstan oblysynyń soltústik-batysynda óte joǵary órt qaýpi saqtalady.
