2016 jyldyń 1 qyrkúieginen bastap «24KZ» arnasy «Habar 24» degen jańa ataýmen shyǵady, dep habarlaidy "Ult aqparat" arnanyń resmi saityna silteme jasap.
Qurylǵanynan bastap «Habar» Agenttiginiń quramyndaǵy «24KZ» arnasynyń atyn aýystyrý – «Habar» Agenttigi» AQ qaita jańarý aiasyndaǵy sharalarynyń biri. Arna efirinde sapaly saraptamalyq baǵdarlamalardyń qatary ulǵaiyp, reportaj janryndaǵy baǵdarlamalardyń úlesi artady, sondai-aq aimaqtardyń tynys-tirshiligi týraly jobalar kóbeiedi.
Sondai-aq ekonomika, sport, halyqaralyq jáne baspasózge sholý, arnaiy avtorlyq reportajdar jáne kóptegen basqa da salalar tolyǵyraq qamtylady. Sonymen qatar efirdiń kórinisi jáne resmi saittyń interfeisi de ózgeredi dep kútilýde. Jańarǵan sait qoldanýǵa qolaily jáne jańalyqtardy izdeý barysynda jeńil bolady.
«Jańa ataý arnanyń «Habar» agenttiginiń quramynda ekendigin kórsetedi. Atyn aýystyrý telearnanyń jańarýyna jáne eresek aýditoriiany tartýǵa múmkindik beredi. Bizdi aitarlyqtai oń ózgerister kútip tur, biraq bul tolyqtai basqa jaqqa ózgerip ketemiz degen sóz emes. Bizdiń burynnan kele jatqan basty ustanymymyz - jańalyqtardy berý barysyndaǵy jyldamdyq pen shynaiylyq. Osy ustanymda berik bolyp qalamyz», -deidi «Habar 24» arnasynyń direktory Arman Seitmamyt.
Arnalardy bir ataýmen ataý álemdik mediaholdingter arasynda keńinen taralǵan. Bul bir teleotbasyǵa kiretindikterin bildirý úshin jasalady. Mysaly, VVS korporatsiiasy, onyń quramyna BBC One, BBC Two, BBC World News jáne basqalary bar, mundai tájiribe kórshi Reseide de qoldanysta, máselen VGTRK-nyń quramyndaǵy Rossiia 24, Rossiia 1, Rossiia K-ny ataýǵa bolady.
Aita ketsek, «24KZ» arnasy 2012 jyldyń 1 qyrkúieginen bastap efirge shyqty. Arna Qazaqstandaǵy aqparattyq arnalardyń ishinde aimaqtyq jáne halyqaralyq tilshiler qosynynyń kóptigimen erekshelenedi. Sonymen qatar baǵdarlamalary 100% otandyq óndiriýshilerdiń jobasy bolyp tabylady. Olardyń arasynda aqparattyq-tanymdyq jáne saraptamalyqtary bar. Telearna aýditoriiasyn 25 jastan asqan kórermender quraidy. «Habar» agenttigi «Habar 24» arnasymen birge Euronews Network-tiń seriktesi bolyp tabylady. Bul jańalyqtar kontentimen almasýǵa jáne eýropalyq áriptestermen sheberlik synybyn ótýge múmkindik beredi.
