Foto: dauletten.kz
Túrkistan oblysynda prokýratýra Mindetti áleýmettik meditsinalyq saqtandyrý (MÁMS) júiesindegi qarajattyń zańsyz jumsalý faktilerin anyqtady. Tergeý barysynda memlekettik jáne jekemenshik klinikalarda jalǵan meditsinalyq qyzmet kórsetilgeni belgili boldy, dep habarlaidy Ult.kz.
Eki memlekettik mekeme birlesip jumys istep, formaldy túrde dárigerlerdi tirkep, áielder men balalarǵa 40 myń stomatologiialyq qyzmet kórsetildi degen jalǵan derekterdi elektrondy bazaǵa engizgen. Kei jaǵdailarda bir dáriger bir kúnde birneshe emhanada qatar «em júrgizgen» bolyp tirkelgen.
Prokýratýra málimetinshe, naýqastardyń bul qyzmetterge múlde barmaǵany anyqtalǵan. Tek stomatologiialyq qyzmetter boiynsha keltirilgen zalal 203 mln teńgeni qurady.
Taǵy bir jaǵdaida jekemenshik klinikada litsenziiasyz túrli beiindi mamandardyń atynan 28 myńnan astam jalǵan konsýltatsiia rásimdelip, 91 mln teńge zańsyz alynǵan.
Atalǵan derekter boiynsha qylmystyq ister qozǵalyp, materialdar sotqa joldanǵan. Keibir epizodtar boiynsha keltirilgen zalal ótelgennen keiin is toqtatylǵan.
Óńirde densaýlyq saqtaý salasyndaǵy prokýrorlyq tekserý áli de jalǵasýda.
