Astanada QR Premer-ministriniń orynbasary – Mádeniet jáne aqparat ministri Aida Balaevanyń tóraǵalyǵymen QR Eńbek jáne halyqty áleýmettik qorǵaý ministrliginiń keńeitilgen alqa otyrysy ótti. Is-sharaǵa QR Eńbek jáne halyqty áleýmettik qorǵaý ministri Asqarbek Ertaev, Parlament depýtattary, ortalyq jáne jergilikti memlekettik organdar ókilderi, ministrlikke qarasty uiymdar, áleýmettik seriktester qatysty.
Premer-ministrdiń orynbasary Memleket basshysy áleýmettik salaǵa erekshe kóńil bóletinin atap ótti. Azamattardyń jaǵdaiy men eldiń turaqty damýy jańa Konstitýtsiia jobasynyń negizgi ózegine ainalǵany aityldy.
Otyrysta basty máselelerdiń biri halyqty jumyspen qamtý taqyryby boldy. 2025 jyldyń qorytyndysy boiynsha elde 2,9 mln sapaly jumys orny saqtaldy. 2026 jyly óńirlik jumyspen qamtý kartalary aiasynda 547,7 myń adamdy jumysqa ornalastyrý josparlanyp otyr.
Jiynda jumys ornyndaǵy adam qaýipsizdigi men qorǵalýy da qaraldy. «Tsifrlandyrý jaǵdaiynda yńǵaily ári túsinikti kommýnikatsiia quraldaryn engizý mańyzdy», – dep esepteidi Aida Balaeva.
Sonymen qatar, taraptardyń kepildikterin, quqyqtary men mindetterin aiqyndaityn eńbek shartyn ázirleý tapsyryldy.
Vedomstvonyń basym mindetteriniń biri – múgedektigi bar adamdardy keshendi áleýmettik qorǵaý. Olardy jumyspen qamtý tásilderin jetildirý, tehnikalyq qajet quraldarymen qamtamasyz etý jáne infraqurylym nysandarynyń qoljetimdiligin arttyrý máseleleri ózekti ekeni aityldy. Sondai-aq, múgedektigi bar balalardy damytý men áleýmettendirýge erekshe nazar aýdaryldy.
Múgedektikti taǵaiyndaý rásiminiń ashyqtyǵyn qamtamasyz etý maqsatynda Premer-ministrdiń orynbasary Densaýlyq saqtaý ministrligi men Eńbek jáne halyqty áleýmettik qorǵaý ministrliginiń aqparattyq júielerin biriktirýdi tapsyrdy. Memleket basshysy jariialaǵan «Tsifrlandyrý jáne jasandy intellekt jyly» aiasynda ministrlik aldynda áleýmettik-eńbek salasyn tehnologiialyq turǵyda jańǵyrtý boiynsha aýqymdy mindet turǵany sóz etildi.
Otyrysta ministr Asqarbek Ertaev baiandama jasap, vedomstvo jumysynyń nátijelerin qorytyndylap, aldaǵy kezeńge arnalǵan negizgi mindetterdi belgiledi.
