Foto: ashyq derekkóz
Messendjerler men áleýmettik jelilerde 2026 jyly tabysy 232 myń teńgeden tómen otbasylarǵa jáne belgili bir syrqaty bar azamattarǵa 432 500 teńge mólsherinde birjolǵy tólem taǵaiyndalatyny týraly tarap jatqan aqparat shyndyqqa sáikes kelmeidi, dep habarlaidy Ult.kz.
Quzyrly organdardyń málimetinshe, qoldanystaǵy zańnamada mundai áleýmettik tólem túri qarastyrylmaǵan.
Sondai-aq mamandar mundai mazmundaǵy habarlamalardy alaiaqtar azamattardyń jeke derekterine qol jetkizý maqsatynda taratýy múmkin ekenin eskertedi. Kúmándi siltemelerge ótpeý jáne jeke aqparatty bógde tulǵalarǵa bermeý qajet.
Memlekettik qoldaý sharalary týraly resmi aqparat tek 1414 nómirinen SMS-habarlama arqyly joldanady jáne memlekettik organdardyń resmi internet-resýrstarynda jariialanady.
Ádeii jalǵan aqparat taratý Qazaqstan Respýblikasynyń zańnamasyna sáikes jaýapkershilikke ákep soǵatyny da eske salyndy.
