Foto: Nice-mebel.ru
Qazaqstannyń óńdeý ónerkásibindegi qarqyndy damyp kele jatqan sektorlardyń biri – jihaz óndirisi. 2025 jyly otandyq jihaz indýstriiasy senimdi ósim kórsetti, dep habarlaidy Ult.kz.
Ótken jyly jihaz ónimderin óndirý kólemi56,7%-ǵa artyp, 165,1 mlrd teńgege jetti. Bul týraly «QazIndustry» AQ Jeńil ónerkásip, aǵash óńdeý, jihaz ónerkásibin jáne qurylys materialdary óndirisin damytý direktsiiasy habarlady.
Jihaz salasynyń jalpy ónerkásip óndirisindegi úlesi 0,3%-dy, al óńdeý ónerkásibindegi úlesi 0,5%-dy qurady. Bul kórsetkishter 2024 jylmen salystyrǵanda joǵary (0,2% jáne 0,4% sáikesinshe).
Sarapshylardyń málimetinshe, naqty mánde eń joǵary ósim keńsege arnalǵan aǵash jihaz óndirisinde (37,2%-ǵa), ashana men qonaq bólmege arnalǵan aǵash jihazda (18,5%-ǵa) jáne metall qańqaly arnaiy otyrýǵa arnalǵan jihazdardyń (2,8%-ǵa) óndirisinde baiqalady.
Sonymen qatar, jatyn bólmege arnalǵan ózge aǵash jihazdar (kereýetter men shkaftardy qospaǵanda) jáne as úi jihazy segmentinde óndiris kólemi birshama tómendegen.
2025 jyly jihaz ónimderin ishki tutyný naryǵynyń kólemi $670 mln jetip, 2024 jylmen salystyrǵanda shamamen 3% - ǵa óskenin kórsetedi. Bul rette qazaqstandyq óndirýshiler ishki naryqtyń 37,8%-yn qamtamasyz etti (bir jyl buryn bul kórsetkish 33,7% bolǵan).
Salanyń negizgi kapitalyna salynǵan investitsiialar kólemi 6,9 mlrd teńgeden asty. Jihaz óndirisine investitsiia tartý boiynshaTúrkistan oblysy kósh bastady – óńirde 4,8 mlrd teńge investitsiia quiylyp, respýblikalyq jalpy kólemniń shamamen 70%-yn qurady. Qarajat negizinen keńse jánesaýdaǵa arnalǵan jihaz óndirisine baǵyttaldy.
Qazaqstandyq jihazdyń shetelge satylymy4,7 esege ósip, $72,2 mln qurady. Eksporttaǵy eń joǵary ósim ózge metall jihazda (11,3 ese), metall qańqaly otyrǵysh jihazdyń ózge túrlerinde (5 ese) jáne plastmassadan jasalǵan jihazda (88,7%) tirkeldi. Eksporttyń negizgi baǵyttary TMD elderi boldy.
«Jalpy, 2025 jyl jihaz salasynda óndiris pen eksporttyń qarqyndy ósimi men erekshelenip, otandyq óndirýshilerdiń ishki naryqtaǵy pozitsiiasyn nyǵaitqan kezeń boldy», – dep qorytyndylady direktsiiada.
QazIndustry málimetinshe, 2026 jyly elimizdiń túrli óńirlerinde jihaz óndirisi boiynsha segiz jobany iske qosý josparlanǵan. Qazirgi ýaqytta Qazaqstanda jihaz jáne oǵan qajet quramdas bólshekter óndiretin 1800-den astam kompaniia tirkelgen.
