Foto: QR OAM
Densaýlyq saqtaý ministrligi mekteptegi tamaqtanýdy reformalaýdyń jańa standarty ázirlengenin jariialady, dep habarlaidy Ult.kz.
2025 jyldyń 1 qyrkúieginen bastap bul standart eldegi barlyq bilim berý uiymdarynda kúshine enedi. Jańa erejeler oqýshylardy teńdestirilgen, qaýipsiz jáne paidaly dietamen qamtamasyz etýge baǵyttalǵan.
Negizgi ózgerister:
-
Qant, tuz jáne óńdelgen taǵamdardy azaitý;
-
Kókónis, jemis-jidek, dándi daqyldar, aqýyz jáne sút ónimderiniń úlesin arttyrý.
Qazaq taǵamtaný akademiiasynyń derekteri boiynsha, bul sharalar balalardyń semizdigi men sozylmaly aýrýlar qaýpin azaitady.
Densaýlyq saqtaý ministri Aqmaral Álnazarova jańa standarttyń bolashaq urpaqtyń densaýlyǵyna tigizetin strategiialyq mańyzyn atap ótti. Ol barlyq múddeli taraptardyń úilesimdi is-áreketiniń mańyzdylyǵyn erekshe aitty.
Mektep meiirgerleri taǵam sapasyn baǵalaýǵa belsendi qatysyp, sanitariialyq baqylaý kúsheitiledi. Sonymen qatar, tekserý júiesine jańashyl tásilder engizilip, ónimder sapasyna turaqty monitoring jasalady.
Bul ózgerister Qazaqstannyń ulttyq densaýlyq saqtaý strategiiasynyń mańyzdy bóligi bolyp tabylady.
