2025 jylǵa qarai joǵary bilim granttarynyń sany 75 myńǵa jetedi. Bul týraly QR Bilim jáne ǵylym ministri Ashat Aimaǵambetov Úkimet otyrysynda málim etti, dep habarlaidy QazAqparat.
«Elimizde joǵary bilim berý sapasyn arttyrý jumystary birneshe baǵytta júieli túrde júrip jatyr. Atap aitsaq, ońtaily basqarý júiesi, akademiialyq saiasat, bilim baǵdarlamalarynyń sapasy, qoljetimdi qarjylandyrý, kásibi oqytýshylar quramy men akademiialyq adaldyq printsipterin saqtaý jáne sapany qamtamasyz etýdiń tiimdi júiesi», - degen ministr eldegi joǵary oqý oryndarynyń jartysy jeke menshikke qaraitynyn eske saldy.
«Negizgi baǵyttarǵa toqtalsaq, elimizdegi 122 ýniversitettiń jartysy – jeke menshik uiymdar. Bakalavriat, magistratýra men doktorantýra deńgeiinde 600 myńnan astam stýdent bilim alýda. Qazaqstannyń 14 joǵary oqý orny elimizdiń jáne dúniejúzilik úzdik ýniversitetter reitingisinde tur. Sońǵy jyldary granttar sany eki esege jýyq ósti. 2025 jylǵa qarai granttar sany kezeń-kezeńmen 75 myńǵa jetedi», - dedi Ashat Aimaǵambetov.
