Foto: Pexels.com
Bloger ári zańger Áliia Nurlanqyzy 2025 jyldyń 1 qańtarynan bastap kúshine enetin aiyppul mólsherleriniń tizimin jariialady, dep habarlaidy Ult.kz.
Atap aitqanda, memlekettik rámizderdi qorlaǵany úshin azamattarǵa 11 796 000 teńge kóleminde aiyppul salynady. Podezge nemese óz páteriniń esiginiń aldyna qoqys qaldyrǵany úshin 78 640 teńge aiyppul qarastyrylǵan. Saǵat 22:00-den keiin tynyshtyqty buzý, qoǵamdyq oryndarda túkirý, sondai-aq kólik júrgizý kezinde telefon qoldaný nemese qaýipsizdik beldigin taqpaý 19 660 teńge aiyppulmen jazalanady.
Sonymen qatar, qujatsyz kólik basqarǵan júrgizýshilerge 78 640 teńge aiyppul salynady, al avtobýsta jolaqysyn tólemegeni úshin 7 864 teńge tóleýge týra keledi. Saǵat 22:00-den keiin kámeletke tolmaǵandardyń oiyn-saýyq oryndarynda júrýine jáne joldy ruqsat etilmegen jerden kesip ótýine 11 796 teńge jáne 7 864 teńge kóleminde aiyppul belgilengen.
Jyldamdyqty belgilengen mólsherden asyrǵany úshin aiyppuldyń kólemi quqyqbuzýshylyq deńgeiine qarai 19 660 teńgeden 117 960 teńgege deiin ózgeredi. Qoǵamdyq orynda balaǵat sózder aitqany úshin 78 640 teńge aiyppul salynady. Muǵalimdi nemese dárigerdi qorlaǵany úshin de jaýapkershilik qarastyrylyp, aiyppul mólsheri 39 320 teńgeni quraidy.
