2022 jyly N.Nazarbaev halyqaralyq áýejaiynyń ushý-qoný jolaǵy jańartylady. Bul jaiynda «N.Nazarbaev halyqaralyq áýejaiy» AQ-nyń atqarýshy direktory Dáýlet Hamzin aitty, dep habarlaidy QazAqparat.
«Shynymen de kelesi jyly ushý-qoný jolaǵyn jańartýdy josparlap otyrmyz. Qazirgi ýaqytta jobalyq-smetalyq qujattamasyn ázirleýge kelisimshart jasaimyz. Jóndeý jumystarynyń formaty, sonymen qatar jóndeý jumystarynyń merzimi jáne qajet bolatyn qarjy somasy jobalyq-smetalyq qujattamany ázirleý protsesinde naqtylady», - dedi áýejaidyń atqarýshy direktory.
Sonymen qatar ol ekinshi ushý-qoný jolaǵyn salý máselesi de áýejaidyń aldyn ala uzaq merzimge kózdelip otyrǵan jospary ekendigin aitty.
«Jáne de osynaý uzaqmerzimdi jospardy júzege asyrý naryqty jaǵdaiǵa, iaǵni, pandemiiadan keiin naryqtyń qanshalyqty jyldam nemese baiaý qalpyna kelýine, áýejaidy damytý jónindegi bas josparymyzda kózdelip, bekitiletin jobalarymyzdyń júzege asyrylýyna bailanysty bolady», - dedi Dáýlet Hamzin.
