2022 jyldyń I-jartyjyldyǵynda 9 mln adam revaktsinalaýdan ótýi qajet. Bul týraly QR Premer-Ministr Asqar Mamin aitty, dep habarlaidy QazAqparat.
«Qazaqstanda jalpy epidemiologiialyq jaǵdai turaqty. Infektsiialyq aýrýhanalar men reanimatsiiadaǵy oryndardyń 17 paiyzy tolyq. Koronavirýs infektsiiasymen aýrýhanalarǵa jatqyzý jáne aýyr jaǵdailar sany aitarlyqtai azaidy. Óńirlerdiń kóbi «jasyl» aimaqta. «Sary» aimaqta eki óńir: Nur-Sultan men Soltústik Qazaqstan oblysy. Álemde naýqastanýdyń kóbeiýin eskersek, sanitarlyq-epidemiologiialyq talaptardy saqtaýdy jalǵastyrý qajet. Ǵimarattarda, qoǵamdyq kólikte betperde kiiý jáne adamdar kóp jinalatyn jerlerde áleýmettik araqashyqty saqtaý qatań túrde mindetteledi», - dedi Asqar Mamin búgin Úkimet otyrysynda.
Onyń dereginshe, qazirgi ýaqytta 9 mln-nan astam adam vaktsinanyń birinshi komponentin aldy. Bul 18 jastan asqan halyqtyń 80 paiyzyna jýyǵy. Shamamen 8,5 mln adam ekinshi komponent saldyrdy. Bul - 75 paiyz.
«Jappai revaktsinatsiialaý boiynsha jumysty kúsheitý kerek. Kelesi jyldyń birinshi jartyjyldyǵynda shamamen 9 mln adam revaktsinalaýdan ótýi qajet. Aqparat, Densaýlyq saqtaý ministrlikteri jáne ákimdikter halyq arasynda revaktsinatsiialaý qajettiligi týraly aqparattyq túsindirý jumysyn belsendi júrgizýi tiis», - degen Úkimet basshysy bul tapsyrmalardy baqylaýdy orynbasary Eraly Toǵjanovqa júktedi.
