2022 jyldyń 1 qańtarynan bastap eń tómengi jalaqy (ETJ) men ailyq eseptik kórsetkishtiń (AEK) artýyna bailanysty mindetti áleýmettik meditsinalyq saqtandyrý (MÁMS) úshin tólenetin jarnalar men aýdarymdar mólsheri ózgeredi.
Bul týraly «Áleýmettik meditsinalyq saqtandyrý qory» KeAQ Nur-Sultan qalasy boiynsha filialynyń baspasóz qyzmeti habarlady, dep jazady QazAqparat agenttigi.
Jumys berýshi qyzmetker úshin onyń jalaqy deńgeiiniń 3%-yn tóleidi, biraq 18 000 teńgeden aspaidy.
Qyzmetkerler, onyń ishinde azamattyq-quqyqtyq sipattaǵy sharttar boiynsha tabys alatyndar óz tabysynyń 2%-yn, biraq 12 000 teńgeden aspaityn mólsherde, tóleitin bolady.
Jeke kásipkerler jáne jeke praktikamen ainalysatyn adamdar - ETJ-nyń 1,4 eselengen mólsheriniń 5%-yn nemese 4 200 teńge tóleidi.
BJT:
qala turǵyndary úshin - 1 AEK nemese 3 063 teńge;
aýyl turǵyndary úshin - 0,5 AEK nemese 1 531,5 teńge.
Derbes tóleýshiler ETJ-nyń 5%-yn nemese 3 000 teńge tóleitin bolady.
Memleket azamattardyń 15 jeńildigi bar sanaty úshin tólem jasaityn bolady, búginde bul sanattaǵylar11 mln-nan asady. Bir adam úshin jarna mólsheri 3 614,2 teńgeni quraidy.
MÁMS úshin tólemdi qaidan jasaýǵa bolady?
Jarnany:
- ekinshi deńgeili bankter jáne olardyń internet-servisteri arqyly;
- Kaspi.kz mobildi qosymshasy arqyly;
- «Kazpochta» AQ bólimsheleri arqyly;
- tólem qabyldaý terminaldary (Qiwi, Kassa24 jáne t.b.) arqyly;
- meditsina uiymdaryndaǵy tólem qabyldaý terminaldary arqyly tóleýge bolady.
Meditsinalyq saqtandyrý júiesindegi óz mártebeńizdi:
ü Áleýmettik meditsinalyq saqtandyrý qorynyń fms.kz resmi saity arqyly (oń jaqtaǵy tómengi buryshtaǵy qalqymaly jasyl sheńberdi basyp, JSN engizińiz)
ü egov.kz elektrondy úkimet portaly arqyly (jeke kabinette jáne «Densaýlyq saqtaý» bóliminde)
ü Telegram-daǵy Saqtandyru-bot arqyly (basty mázirde «Saqtandyrý mártebesin anyqtaý»)
ü Qoldau 24/7 mobildi qosymshasy arqyly (basty mázirde «Saqtandyrý mártebesin anyqtaý»)
Ózińizge yńǵaily tásilde tekserip otyrýdy umytpańyz!
