Marafondy uiymdastyrýshylar Miýnhende jarysty ótkizý formatyna ózgeris engizilgendigin málim etti, dep habarlaidy Ulttyq Olimpiada komiteti.
Sporttyq sharany 2020 jyly 11 qazanda uiymdastyrý josparlanyp otyr. Uiymdastyrýshylar marafondy virtýaldy formatqa aýystyrmady, biraq qatysýshylar sanyn 12 600-ge deiin shekteý josparlanyp otyr. Sondai-aq marafonnyń ara qashyqtyǵy da qysqardy. Júgirýshiler burynǵydai 42 km emes, 30 km qashyqtyqty baǵyndyrýy qajet bolady. Atalǵandarmen qosa uiymdastyrýshylar sharaǵa qatysýshylardyń qaýipsizdigin qamtamasyz etý maqsatynda arnaiy erejeler jiyntyǵy men gigiena tujyrymdamasyn jasady.
«Bizdiń barlyq sheshimderimiz bekitý úshin Miýnhenniń tiisti organdaryna joldandy. Biz Miýnhende jolyǵyp, marafondy «2020 marafonyn ózgeshe ótkizemiz» degen uranmen uiymdastyrýdy josparlap otyrmyz», - dedi Miýnhen marafonynyń direktory Iorg Venig.
