Batys Qazaqstan oblysynyń Qaztalov aýdanyna qarasty Jalpaqtal aýylynda Eifel munarasyna uqsas nysan ornatyldy. Erekshe tartýdy aýyl mektebiniń 2006 jylǵy túlekteri óz qarajatyna jasaǵan, dep habarlaidy ult.kz.
«Yntymaq» dep atalǵan munara áleýmettik jelilerde qyzý talqylanyp jatyr. Biiktigi shamamen 40 metr bolatyn nysan «sońǵy qońyraý» merekesi qarsańynda ashylǵan.
Oral qalasynan 250 shaqyrymdai jerde ornalasqan Jalpaqtal aýylynyń túlekteri mereitoilyq kezdesýlerinde aýylǵa tartý jasaýdy dástúrge ainaldyrǵan. Jergilikti turǵyndardyń aitýynsha, munarany turǵyzýǵa shamamen 45 million teńge jumsalǵan.
Aita keteiik, Jalpaqtal aýylynda 4,6 myńǵa jýyq adam turady.
