Almaty jartylai marafonynyń uiymdastyrý komiteti jarys ótetin kúni joldardyń ishinara jabylatynyn málim etti, dep habarlaidy "Ult aqparat".
20 maýsymda Almaty jartylai marafony ótkiziletin ýaqytta saǵat 00:00-den 12:30-ǵa deiin jartylai marafonnyń júgirý qashyqtyǵy ótetin jerlerde joldardaǵy qozǵalys ishinara jabylady.
Jartylai marafon Tuńǵysh Prezident saiabaǵynan bastalady.
Ál-Farabi dańǵylynyń soltústik jaǵynda Mustafin kóshesinen Nazarbaev kóshesine deiingi jol bóliginde tańǵy saǵat 07:00-den 12:00-ge deiin jabyq bolady.
Ál-Farabi dańǵylynyń boiynda Shashkin kóshesinen bastap Nazarbaev kóshesine deiingi qozǵalys saǵat 03:00-den 11:30-ǵa deiin jabylady. Ál-Farabi dańǵylynyń ońtústik jaǵy avtokólik qozǵalysy úshin ashyq bolady.
Ál-Farabi dańǵylynyń boiynda Naýai kóshesinen bastap Rozybaqiev kóshesine deiingi qozǵalys saǵat 06:30-dan 08:00-ge deiin jabyq bolady. Barlyq qozǵalys jolaqtary tolyq jabylady.
Sain kóshesi ál-Farabi dańǵylynan bastap Abai dańǵylyna deiin saǵat 07:00-den 12:00-ge deiin jabylady. Batys jaǵy avtokólik qozǵalysy úshin ashyq bolady.
Seifýllin dańǵylynyń boiynda ál-Farabi dańǵylynan Abai dańǵylyna deiingi qozǵalys saǵat 07:00-den 12:30-ǵa deiin jabyq bolady. Barlyq qozǵalys jolaqtary tolyq jabylady.
Abai dańǵyly Sain kóshesinen Seifýllin dańǵylyna deiin saǵat 07:20-dan 12:30-ǵa deiin jabyq bolady.
Soltústik jaǵy avtokólik qozǵalysy úshin ashyq bolady.
