Foto: Pexels.com
Qazaqstanda mektepke deiingi bilim berý júiesi qarqyndy damyp keledi. Memleket basshysynyń tapsyrmasyna sáikes balabaqshalardy iske qosý boiynsha 2023-2027 jyldarǵa arnalǵan qadamdyq jospary bekitildi, dep habarlaidy Ult.kz QR Oqý-aǵartý ministrliginiń baspasóz qyzmetine silteme jasap.
2025 jyly kezekte turǵan 2 jastan 6 jasqa deiingi balalardy sapaly mektepke deiingi bilimmen jáne tárbiemen qamtýdy 95%-ǵa arttyrý josparlanýda. Osy maqsatta jańadan 64 myń oryn ashylady, jyl basynan beri 1,6 myń oryndyq 20 mektepke deiingi uiym qoldanysqa berildi.
Mektepke deiingi bilim berýmen qamtýdy arttyrý jumys jasap turǵan balabaqshalardy salý, rekonstrýktsiialaý, jańǵyrtý, shaǵyn ortalyqtar sanyn arttyrý, sondai-aq memlekettik tapsyrysty vaýcherlik qarjylandyrý arqyly engizý esebinen júrgiziledi.
«Vaýcherlik qarjylandyrý júiesi iske qosylǵan sátten bastap ata-analarǵa 99 myń vaýcher berildi, bul olar úshin balabaqshany óz betinshe tańdaý múmkindigi. Memlekettik qarajattyń belgili bir uiymǵa emes, naqty balaǵa baǵyttalyp jumsalýy – qarjylandyrý mehanizmin jariialy etedi. Pilottyq jobaǵa Taraz, Túrkistan, Shymkent, Oral jáne Astana qalalary qatysýda. Óńirlerdiń daiyndyǵyna qarai baǵdarlama keńeitiletin bolady», - deidi QR oqý-aǵartý ministrliginiń Mektepke deiingi bilim departamentiniń direktory Manar Adamova.
Jalpy, 2027 jylǵa deiin keshendi jospar sheńberinde mektepke deiingi uiymdarda jańadan 300 myń oryn qoldanysqa berý josparlanýda. Búgingi tańda Qazaqstanda 11,6 myń balabaqshaǵa 1 millionǵa jýyq bala barady.
