QR Bas memlekettik sanitarlyq dárigeri Aijan Esmaǵambetova karantinnen keiingi jaǵdai qalai órbitini jóninde suraqqa jaýap berdi, dep habarlaidy QazAqparat.
«Eki aptalyq karantin ótti. Alda taǵy eki apta bar. Dál osy karantindik sharalar qalai júrgizilse, aldaǵy sharalar da, karantindi kúsheitý nemese jeńildetý osyǵan tikelei bailanysty bolady» - dep jaýap berdi A. Esmaǵambetova Ortalyq kommýnikatsiialar qyzmetinde ótken onlain brifingte.
Onyń aitýynsha, vitse-premer tóraǵalyq etetin vedomstvoaralyq komissiia karantin sharalaryn jeńildetýdiń túrli nusqasyn qarastyryp jatyr.
Buǵan deiin spiker eki aptalyq karantinde syrqattar ósiminiń bolmaǵanyn málimdegen edi.
«23 shildede respýblika boiynsha koronavirýs infektsiiasynyń 76 799 jaǵdaiy tirkelgen. Onyń ishinde 48 202 naýqas nemese naýqastardyń 63 paiyzy emdelip shyqty. Syrqattaný táýligine 1 600-1 700 jaǵdai deńgeiinde turaqtandy. 5 shildede qatań shekteý sharalary engizilgen sátten bastap eki aptada respýblikada koronavirýstyń 21 532 jaǵdaiy tirkeldi. Aldyńǵy eki aptamen salystyrǵanda syrqattaný bir deńgeide qalyp otyr», - dedi A. Esmaǵambetova.
