2 mln-nan astam qazaqstandyq 42 500 teńge birjolǵy tólemin aldy. Bul týraly "Ult aqparat" Eńbek ministrligine silteme jasap habarlaidy.
30 shilde saǵat 9.00-degi jaǵdai boiynsha aǵymdaǵy jyldyń shilde aiynda shekteý sharalaryn engizýge bailanysty tabysynan aiyrylǵan jaǵdaida Memlekettik áleýmettik saqtandyrý qorynan (budan ári – MÁSQ) eń tómengi jalaqy – 42 500 teńge mólsherinde birjolǵy tólem taǵaiyndaýǵa azamattardan 2,3 mln-nan astam biregei ótinish qabyldandy. Tólem 2 mln 80 myń adamǵa taǵaiyndaldy. Aqshalai qarajat 2 mln 58 myń qazaqstandyqqa aýdaryldy.
MÁSQ-tan tólem alýǵa ótinimder birneshe arnalar arqyly qabyldanady. 2,3 mln-nan astam ótinimniń ishinde:
– 833,3 myń adam proaktivti formatta tólem taǵaiyndaýǵa kelisim berdi;
– 578,9 myń adam Egov.kz portaly jáne telegram-bottar arqyly;
– 314,6 myń adam 42500.enbek.kz portaly arqyly;
– 595,8 myń adam ekinshi deńgeidegi bankterdiń mobildik qosymshalary men internet-resýrstary arqyly ótinish bergen.
Azamattardyń sanattary bólinisinde:
– 833,3 myń ótinish biryńǵai jiyntyq tólem tóleýshilerden berildi (proaktivti formatta);
– 186,5 myń ótinishti jaldamaly qyzmetkerleri úshin jumys berýshiler berdi;
– 1 mln 302,8 myń ótinish azamattardyń basqa sanattarynan kelip tústi (jeke kásipkerler; jeke praktikamen ainalysatyn adamdar; azamattyq-quqyqtyq sipattaǵy sharttar boiynsha tabys alatyn jeke tulǵalar).
Tólem 2 mln 80 myń adamǵa taǵaiyndaldy. Aqshalai qarajat 2 mln 58 myń qazaqstandyqqa aýdaryldy.
Esterińizge sala keteiik, Memleket basshysynyń tapsyrmasy boiynsha 2020 jyldyń shilde aiynda karantindik sharalardyń engizilýine bailanysty jumys istep jatqan qazaqstandyqtarǵa tabysy tolyq joǵalǵan jaǵdaida bir eń tómengi jalaqy – 42 500 teńge mólsherinde birjolǵy tólem júzege asyrylatyn bolady.
16 shildeden bastap BJT tóleýshiler bolyp tabylatyn adamdar úshin sms-habarlamalardy jiberý arqyly birjolǵy tólemdi taǵaiyndaý boiynsha proaktivti qyzmet kórsetý júzege asyrylýda.
18 shildeden bastap BJT tóleýshiler egov.kz jáne 42500.enbek.kz portaly; telegram-bot-tar; Aitu messendjerindegi 42500.enbek.kz qosymshasy; ekinshi deńgeidegi bankterdiń mobildi qosymshalary men internet-resýrstary arqyly ótinim bere alady.
Tólemdi proaktivti taǵaiyndaýǵa kelisim bergen azamattarǵa basqa arnalar arqyly ótinim berýdiń qajeti joq, sebebi sms-ke jaýap avtomatty túrde ótinim berý bolyp tabylady.
17 shildeden bastap jeke kásipkerlerden; jeke praktikamen ainalysatyn adamdardan; azamattyq-quqyqtyq sipattaǵy sharttar boiynsha tabys alatyn jeke tulǵalardan ótinimder qabyldanady.
Jalaqy saqtalmaityn demalysqa jiberilgen jaldamaly qyzmetkerler úshin ótinimdi tek jumys berýshi ǵana beretindigin atap ótý qajet. Jumys berýshilerden (zańdy jáne jeke tulǵalardan) ótinishter 19 shildeden bastap qabyldanady.
Ótinish qabyldaý 2020 jyldyń 1 qyrkúiegine deiin jalǵasady.
