Qazaqstannyń kúsh qurylymdary 199 koronavirýs juqtyrý oshaǵy men 366 karantindik nysandy qorshap tur. Bul týraly QR Ishki ister vitse-ministri Aleksei Kalaichidi aityp berdi, dep habarlaidy "Ult aqparat".
«Bas sanitarlyq dárigerlerdiń qaýlylaryna sáikes, 4 oblysta 2 sanitarlyq (Aqtóbe oblysy) jáne 7 blokpost (Atyraýda – 4, Qostanai – 2, Qyzylorda - 1) qoiylǵan. Odan bólek, 199 koronavirýs juqtyrý oshaǵy men 366 karantindik nysandy qorshaý jumystary jalǵasýda», - dedi spiker Ortalyq kommýnikatsiialar qyzmetinde ótken onlain brifingide.
Onyń aitýynsha, bul sharalarǵa kún saiyn 14 myńnan astam politsei, Ulttyq ulan áskerileri jáne myńnan astam volonter tartylady.
