© Photo : Detskii ombýdsmen Dinara Zakieva
Ótken demalys kúnderi balalar ombýdsmeni Dinara Zákieva Almaty oblysyndaǵy I. Núsipbaev atyndaǵy mektep-internatta boldy, dep habarlaidy Ult.kz Sputnik Qazaqstanǵa silteme jasap.
Onyń aitýynsha 6 jastan asqan 170 bala internatta aýyr jaǵdaida ómir súrip jatyr.
"Úsh jyl buryn mekemede kúrdeli jóndeý jumystary bastalǵanymen, merdiger ony aiaqtamai, josyqsyz dep tanyldy. Sonyń saldarynan balalar jartylai qiraǵan ǵimaratta turýǵa májbúr, oqý korpýsynda túnep, sportzalda tamaqtanady, al sanitarlyq-gigienalyq normalar buzylyp otyr", - dep jazdy Zákieva jelidegi paraqshasynda.
Ol bul máseleni Almaty oblysynyń ákimi Marat Sultanǵazievpen kezdesý barysynda talqylaǵan.
"Ákimdik jóndeý jumystaryn aiaqtaý nemese jańa internat salý máselesin qarastyrǵan. Alaida balalardyń qazirgi qiyn jaǵdaiynda qalmaýy úshin olardy jaqynda jóndeýden ótken jáne bos oryndary bar basqa internatqa kóshirý týraly sheshim qabyldandy", - dep tolyqtyrdy balalar ombýdsmeni.
Sondai-aq kezdesýde Psihologiialyq qoldaý ortalyǵynyń jumysy men qorǵanshylyq organdary qyzmetkerleriniń sanyn arttyrý máselesi kóterildi. Qabyldanǵan zańǵa sáikes, 5000 balaǵa 1 qyzmetkerden kelýi kerek. Osylaisha, oblysta 109 qyzmetker bolýǵa tiis, ár aýdanda shamamen 10 mamannan.
