Foto: gov.kz
Qazaqstanda 15 naýryz – Qaiyrymdylyq kúni retinde atap ótiledi. Bul kún Naýryz meiramy qarsańyndaǵy «Naýryznama» atty onkúndik merekelik dástúrdiń mańyzdy kúnderiniń biri sanalady, dep habarlaidy Ult.kz.
Qaiyrymdylyq kúni adamdardy bir-birine meiirimdi bolýǵa, muqtaj jandarǵa kómek qolyn sozýǵa úndeidi.
Qazaq halqy erteden-aq qaiyrymdylyq pen jomarttyqty erekshe qadirlegen. «Jaqsynyń jaqsylyǵyn ait, nury tasysyn», «Jaqsylyq jasa da, sýǵa tasta» degen naqyl sózder halqymyzdyń izgilikke negizdelgen dúnietanymyn kórsetedi. Burynǵy zamanda aýqatty adamdar jaǵdaiy tómen otbasylarǵa kómektesip, jetim-jesirge qamqor bolǵan. Bul dástúr búgingi kúnge deiin jalǵasyp keledi.
Qaiyrymdylyq kúni eldiń ár óńirinde túrli igi sharalar uiymdastyrylady. Atap aitqanda, áleýmettik jaǵdaiy tómen otbasylarǵa azyq-túlik taratý, qaiyrymdylyq jármeńkeleri, balalar úilerine kómek kórsetý, qarttar úiine barý siiaqty is-sharalar ótkiziledi. Mundai bastamalar qoǵamdaǵy ózara túsinistik pen birlikti nyǵaitýǵa yqpal etedi.
Bul kúnniń basty maqsaty – adamdardyń júregindegi meiirim men janashyrlyq sezimin oiatý. Qaiyrymdylyq tek materialdyq kómek emes, jyly sóz aityp, qoldaý kórsetý de úlken saýapty is sanalady. Sondyqtan 15 naýryz – ár adamdy jaqsylyq jasaýǵa shaqyratyn erekshe kún.
