«Jolaýshylar tasymaly» AQ jolaýshylar tarapynan suranystyń artýyna bailanysty jazǵy maýsymǵa aptasyna eki ret qatynaityn «Almaty-2 – Dostyq» baǵyytyndaǵy № 221/222 qosymsha kommertsiialyq jolaýshylar poiyzyn iske qosty. Bul týraly «QTJ» UK» AQ baspasóz qyzmeti habarlady.
Ol Almaty-2 stansasynan 2021 jyldyń 15 maýsymynan 28 tamyzyna deiin seisenbi jáne senbi kúnderi jóneltiledi;
- Dostyq stansasynan 2021 jyldyń 16 maýsymynan 29 tamyzyna deiin sársenbi jáne jeksenbi kúnderi kelýimen/jóneltilýimen;
- Almaty-2 stansasyna 2021 jyldyń 17 maýsymynan 30 tamyzyna deiin beisenbi jáne dúisenbi kúnderi keledi.
Ulttyq tasymaldaýshy jolaýshylardan BILET.RAILWAYS.KZ saity nemese «QTJ biletteri» mobildi qosymshasy arqyly onlain jol júrý qujattaryn (biletterin) rásimdeýdi suraidy. Qajet bolǵan jaǵdaida temirjol biletterin satyp alý úshin «Kútý paraǵy» fýnktsionalyn paidalanýdy usynady.
Sondai-aq, karantin rejimine bailanysty jolaýshylardan jol boiynda jáne eldegi vokzaldarda betperde rejimin saqtap júrýlerin suraimyz.
