Foto: qazaqstan.tv
Atyraýda «Atyraý bekire balyq ósirý zaýyty» memlekettik kásiporny 147,4 mln teńgege bekire balyqtarynyń ýyldyryǵyn satyp alýdy josparlaǵan. Alaida bul bastama prokýratýranyń aralasýymen toqtatyldy, dep habarlaidy Atyraý oblysynyń prokýratýrasy.
Atyraý oblysynyń prokýratýrasy biýdjet qarajatynyń maqsatty ári zańdy jumsalýyna turaqty monitoring júrgizip keledi. Taldaý barysynda zaýyttyń memlekettik satyp alý portalynda ýyldyryq satyp alý týraly habarlandyrý jariialaǵany anyqtalǵan.
Alaida «Janýarlar dúniesin qorǵaý, ósimin molaitý jáne paidalaný týraly» Zańnyń 11-1-babyna sáikes, memlekettik kásiporyndarǵa bekire tuqymdas balyq ýyldyryǵyn satyp alýǵa tyiym salynǵan.
Osyǵan bailanysty prokýratýra bul satyp alýdyń zań talaptaryna qaishy ekenin anyqtap, tiisti qadaǵalaý aktisin engizdi. Nátijesinde memlekettik satyp alý kúshi joiylyp, 147 mln teńgeden astam biýdjet qarajatynyń negizsiz jumsalýynyń aldyn aldy.
Qazir bul saladaǵy zańdylyqtyń saqtalýy tabiǵat qorǵaý prokýratýrasynyń turaqty baqylaýynda.
