Foto: ashyq derekkóz
Tehnikalyq aqaýǵa bailanysty Air Astana áýe kompaniiasynyń Almaty – Bangkok baǵytyndaǵy reisi Úndistannyń Deli qalasyndaǵy áýejaiǵa májbúrli túrde qondy. Bul aqparatty áýe tasymaldaýshysy resmi túrde rastady, dep habarlaidy Ult.kz.
Kompaniianyń málimetinshe, ushaq 18 jeltoqsanǵa qaraǵan túni saǵat 01:00-de Almatydan ushyp shyqqan. Bortta 138 jolaýshy bolǵan. Áýe kemesi jergilikti ýaqyt boiynsha 05:51-de Delidegi áýejaiǵa sátti qonǵan.
Air Astana ókilderi jolaýshylarǵa tamaq berilgenin, sondai-aq ýaqytsha vizalar rásimdelgenin habarlady. Qazirgi ýaqytta olardy qonaqúige ornalastyrý máselesi sheshilip jatyr. Sonymen qatar Bangkokqa sapardy jalǵastyrý úshin qosymsha áýe kemesi daiyndalýda.
