Foto: baq.kz
Áleýmettik jelilerde Taldyqorǵanda 13 jastaǵy mektep oqýshysy Telegram-da tanysqannan keiin zorlyq qurbanyna ainalǵany týraly aqparat tarady, dep habarlaidy Ult.kz.
Oqiǵa ótken jyldyń jazynda Taldyqorǵanda bolǵan. Sol kezde qyz qurbysynyń keńesimen tanysýǵa arnalǵan Telegram-botqa tirkelgen. Sol jerde ol ózin 15 jasta dep tanystyrǵan er adammen tanysady. Uzaq ýaqyt hat almasqannan keiin ol intimdik videolar surap, ár minýty úshin 2500–3000 teńge tóleýdi usynǵan. Qyz bastapqyda kelispegen, alaida qurbysynyń úgitinen keiin kelisim bergen.
Keiin «jigit» jeke kezdesýdi usynady. Qyzdar kórsetilgen mekenjaiǵa barǵan kezde olardy eresek er adam qarsy alǵan. Qyzdardyń bireýimen ońasha qalǵan sátte, ol oǵan qatysty seksýaldyq sipattaǵy áreketter jasaǵan. Oqiǵadan keiin er adam qyzdarǵa aqsha berip, chipsy, shyryn jáne táttiler alyp berip, úilerine qaitarǵan.
Osydan keiin jábirlenýshige ózin kúdiktiniń áieli retinde tanystyrǵan áiel qońyraý shalyp, hat almasýdy óshirýdi talap etken. Qoryqqan qyz hattardy óshirgenimen, er adam jazýyn jalǵastyryp, kelesi kúni ekinshi kezdesý bolǵan. Bul kezdesýde de er adam oǵan qatysty seksýaldyq sipattaǵy áreketter jasap, shamamen 10 myń teńge bergen.
Ekinshi kezdesýden keiin qyz ol er adamdy buǵattap, basqa jigitpen romantikalyq qarym-qatynas bastaǵan. Alaida qurbysy kenetten onyń ótkenin jariialaimyn dep bopsalai bastaǵan. Qoryqqan mektep oqýshysy barlyǵyn jigitine aityp bergen, alaida ol qyzdy jaqyndyqqa májbúrlep, keiin ajyrasqan soń bul týraly onyń anasyna jetkizgen. Anasy politsiiaǵa aryzdanǵan.
Atalǵan derek boiynsha QR QK-niń 122-baby boiynsha qylmystyq is qozǵaldy. Jaqyndarynyń aitýynsha, jábirlenýshi zorlyq jasaǵandardy aqtaý maqsatynda óz jaýabyn ózgertken.
Politsiia departamentiniń málimetinshe, sotqa deiingi tergeý aiaqtalǵan. Qylmystyq is materialdary taraptarǵa tanysý úshin berilgen. Kúdikti qamaýda otyr. Ózge aqparat jariia etýge jatpaidy.
