Foto: Ashyq derekkózden
Sinoptikter 2026 jylǵy 13 naýryz, juma kúnine arnalǵan Qazaqstan aýmaǵyndaǵy sinoptikalyq jaǵdai men qaýipti meteorologiialyq qubylystar týraly boljamdy jariialady, dep habarlaidy Ult.kz aqparat portaly.
Boljam boiynsha, el aýmaǵynda aýa raiy kúrt qubylady.
"Soltústik-batys tsiklonynyń jyrasy men atmosferalyq fronttardyń ótýine bailanysty Qazaqstannyń soltústik-batysynda, soltústiginde jáne shyǵysynda turaqsyz aýa raiy saqtalady: túnde qar jaýady, kúndiz jaýyn-shashyn (jańbyr men qar) túsedi", - delingen habarlamada.
Al eldiń qalǵan aýmaǵynda, boljam boiynsha, kún jaýyn-shashynsyz.
"Respýblika boiynsha jel kúsheiip, boran, kóktaiǵaq jáne tuman bolýy múmkin», - delingen "Qazgidromet" habarlamasynda.
