QR Ulttyq qaýipsizdik komitetindegiler Almaty oblysynda ustalǵan radikal topqa kimniń jetekshilik etkenin aitty, - dep habarlaidy "Ult aqparat" kaz.tengrinews.kz portalyna silteme jasap.
UQK ókilderi redaktsiia joldaǵan saýalnamaǵa bergen jaýabynda 2016 jyldyń 18 tamyzynda Almaty oblysynda ustalǵan radikal toptyń basshysynyń Qyrǵyzstandaǵy Osh oblysynyń týmasy - 42 jastaǵy azamat bolyp shyqqany aitylady. "Qalǵandary - Almaty oblysynyń týmalary eken, olar 20-30 jas aralyǵyndaǵy qazaqstandyqtar", - dedi vedomstvodaǵylar.
"Terroristik aktilerdi jasaýǵa baǵyttalǵan qylmystyq áreketterdi qarjylandyrý úshin 2016 jyldyń 18 tamyzynda ustalǵan radikal toptyń músheleri orta jáne shaǵyn biznes ókilderine shabýyl jasamaq bolǵan. Ustalǵan azamattardyń úilerinen orta qýatty jarylǵysh zattar tárkilendi. Aita keteiik, Almaty oblysynda ustalǵandardyń halyqaralyq deńgeidegi terroristik áreketterge qatysy bar ma, joq pa ázirshe belgisiz. Tergeý múddesine bailanysty istiń mán-jaiy aitylmaidy", - dedi UQK ókilderi.
Sondai-aq, vedomstvodaǵylardyń málimetinshe, 2015 jyldyń basynan UQK quqyq qorǵaý organdarymen birige otyryp, terrorlyq mazmundaǵy 9 aktsiiaǵa tosqaýyl qoiǵan.
Osyǵan deiin UQK basshysy Vladimir Jumaqanov Almaty oblysynda ustalǵan azamattardyń salafitter ekenin málimdegen bolatyn.
Aita keteiik, Ulttyq qaýipsizdik komiteti 12-30 tamyz aralyǵynda Aqtóbe jáne Batys Qazaqstan oblystary aýmaǵynda úsh radikaldy toptyń is-áreketterine tosqaýyltosqaýyl qoiǵan bolatyn.
Sot sanktsiiasyna sáikes, Batys Qazaqstan oblysynyń 10 turǵyny jáne Aqtóbe oblysynyń 11 turǵyny qamaýǵa alyndy. Tergeý amaldary jalǵasyp jatyr.
