Aýyr atletikadan Qazaqstan quramasynyń bas bapkeri Aleksei Ni Riodaǵy Olimpiada oiyndaryna qatysqan qazaqstandyq ziltemirshilerdiń ónerine qorytyndy jasady. Vesti.kz basylymyna bergen suhbatynda Aleksei Ni ziltemirshilerdiń mańyzdy sátteri men jarystardaǵy oiyndarǵa jalpy qorytyndy jasady. Sonymen qatar, Aleksei Ni Nijat Rahimovtyń ónerin Riodaǵy jarystarda esten ketpeitin sát bolǵanyn aitty.
"Olimpiada aiaqtalyp qaldy. Qazir barlyǵymyz ózimizge kelip jatyrmyz. Sportshylardyń kórsetken ónerlerine jeke-jeke toqtalaiyq. Nijat Rahimov - daryndy jigit. Onyń Ilinnen esh jeri kem emes. Meniń bas bapker bolyp jumys istep júrgenime 20 jyldan asty. 15-ten asa álem chempionatyn, alty Olimpiada oiynyn, birneshe Aziia oiynyn kórdim. Meniń aitatynym, eshkim de áli osyndai nátijeli jeńiske jetken joq. Ekinshi qadamynda birinshisinen 12 kelige artyq kóterip, keiin oǵan taǵy tórt salmaq qosyp óner kórsetý - bul keremet. Biz Hrapatyimen de, Ilinmen mundai jeńiske jetken joq edik".
Bir jaǵynan qarasaq, onyń barlyǵy jeńilis tapqan jarys boldy. Biraq Rahimov alyp shyqty. Ol onyń minezin, yntasyn, jeńimpaz ekenin bildiredi. Nijattyń jasy 23-te. Tokioda ótetin jarysqa ol bar kúshin jinap barady. Bul salmaq dárejesinde eshkimge jol bermeimiz.
Barlyq komandanyń ishinen eń daryndy dep Denis Ýlanovty aitýǵa bolady. Ol 94 keli salmaqqa deiingi kategoriiada óner kórsetý kerek edi. Denis Rioda alty keli salmaq túsirdi. Tuǵyrda da áreń turdy. Sondai-aq, ol psihologiialyq turǵydan qatty sharshady. Álemdik deńgeidegi jarystarǵa qatysyp júrmegendikten, birden Olimpiada oiyndaryna qatysý ońai emes. Bul jerde meniń de kinám bar. Men onyń kóteretin salmaǵyn 210 keliden 215 kelige kóterdim. 210 kelimen shyǵa berý kerek edi. Sonda ǵana Denis medal alar edi. Keiinnen 217 kelige aýysatyn edi. Senimdilik te paida bolady. Qazir biz Ýlanovty 94 kelige deiingi kategoriiaǵa aýystyramyz. Men onyń jaqyn arada jeńiske jetetinine senimdimin. Jigit daryndy, bolashaǵy bar. Tek tájiribesi bolmady. Ajiotaj da áser etti. Kóbisi Denisten joǵary nátijeni kútken edi.
Aleksandr Zaichikov óziniń qandai múmkindikteri bar ekenin kórsetti. Árine, eger tóreshi onyń aýyr salmaqty kótergenin eseptemei qoimaǵanda, ol kúmis alar edi. Zaichikov jaqsy óner kórsetti. Búginde ózbekpen altyn medalǵa talasý múmkin emes bolyp tur. Barlyǵy ózbektiń deńgeii joǵary ekenin kórdi. Menińshe, Zaichikov jaqsy óner kórsetti.
Qorytyndylaityn bolsaq, Rioǵa jalpy segiz adam bardy. Olardyń úsheýi - aýyratlet. Olar álem chempiondary Aleksandr Zaichikov pen Nijat Rahimov, sonymen qatar, álem birinshilikteriniń eki dúrkin jeńimpazy Jazira Japparqul. Munyń barlyǵy olardyń Olimpiadaǵa daiyndyqpen barǵanyn kórsetip otyr. Men bul komandanyń bolashaǵyna senimmen qaraimyn. Endi barlyǵy ózderine bailanysty. Áli osy Olimpiadany tamashalaǵan jas balalar da keledi. Bizge óz aramyzda básekelestik bolatyndai etip jasaý kerek. Ár salmaqta 2-3 adamnan. Osy arqyly ziltemirshilerimizdi shynyqtyramyz. Zaichikov Londonda ótken oiyndarda 12-shi bolǵan edi. Al qazir úshinshi bolyp tur. Bul Qazaqstannyń áli de biik belesterdi baǵyndyratynyn bildiredi. Eń bastysy, únemi jattyǵý, alǵa umtylý. Bolashaqta úlken jumystar atqarylmaq. Sportshylarǵa da ońai bolmaidy. Biz olardy uzaq ýaqytqa demalysqa jibere almaimyz. Tek qańtarǵa deiin. Keiin olar meditsinalyq tekseristen ótip, qaita daiyndyq jumystaryna kirisedi", - dep qorytyndylady bas bapker.
