Rio-de-Janeiro Olimpiadasynda Qazaqstannyń boks quramasy jalpy esepte birinshi orynda kele jatyr.
Qazaq boksshylary Rio Olimpiadasynda 1 altyn, 2 kúmis medalmen Kýba men Ózbekstandy artqa tastap, jalpy esepte kósh bastap otyr.
Ekinshi orynda kele jatqan ózbek boksshylarynda 1 altyn, 1 kúmis pen 2 qola medal bar. Al dúniejúziniń boks derjavalarynyń biri sanalatyn Kýba quramasy 1 altyn, 3 qola medalmen úzdik úshtikti túiindep otyr. Kórshi Resei eli 1 altyn, 2 qolamen tórtinshi oryndy mise tutty.
Aita keteiik, bizdiń quramada Daniiar Eleýsinov 69 kelide altyn alsa, 81 kelide Ádilbek Niiazymbetov pen 91 kelide óner kórsetetin Vasilii Levit kúmis enshiledi.
Taǵy eki boksshymyz jartylai finalǵa ótti, olar asa aýyr salmaqtaǵy Ivan Dychko men 75 kelige deiingi salmaqtaǵy Dariǵa Shákimova.
