Elordada 113 myń adam koronavirýsqa qarsy vaktsinanyń 2 komponentin tolyq aldy. Bul týraly Nur-Sultan qalalyq qoǵamdyq densaýlyq saqtaý basqarmasy basshysynyń mindetin atqarýshy Áliia Rústemova aitty, dep habarlaidy "Ult aqparat".
«Búginde 170 myńnan astam adam nemese vaktsinatsiia alýǵa jatatyn halyqtyń 26 paiyzy vaktsinanyń 1 komponentin aldy. 113 myńnan astam azamat immýndaý kýrsyn tolyǵymen aiaqtady. Vaktsinanyń birinshi komponentiniń 59 myńnan astam, ekinshi komponenttiń 55 myńnan astam qalǵan dozasy bar. Halyqty vaktsinatsiiamen qamtý úshin biz meditsinalyq uiymdardaǵy egý pýnktteriniń sanyn 3 ese arttyrdyq. Olardyń jumys kestesi jeksenbi men mereke kúnderin qosa alǵanda tańǵy saǵat 8:00-den 22:00-ge deiin uzartyldy. Búgingi tańda vaktsinanyń 3 túri reseilik Sputnik - V, otandyq QazVac jáne qytailyq - Hayat-Vaks bar», - dedi Áliia Rústemova.
Sondai-aq ol halyqty vaktsinatsiialaýmen tolyqtai qamtý úshin Han-Shatyr, MegaSilkWay, Kerýen, Abý-Dabi Plaza, Aziia Park, SaryArqa, Evraziia saýda-oiyn-saýyq ortalyqtarynda, Mechta dúkeni men Álem bazarynda egý pýnktteriniń uiymdastyrylǵanyn aitty.
«Osy ýaqyt aralyǵynda saýda jáne oiyn-saýyq ortalyqtarynda 29 myńnan astam adam vaktsinatsiialandy. Buǵan deiin Ortalyq bazar men Big Shanhaida jáne Artem saýda úiinde vaktsinatsiia ortalyqtary ashylǵany týraly habarlaǵan bolatynbyz. Alaida, bul mekemelerde vaktsinatsiia jumystarynyń tómen deńgeide júrgizilgendikten, ondaǵy pýnktterdi jabý týraly sheshim qabyldandy», - dedi ol.
