11-synyp túlekterine attestat 3-4 maýsymda tapsyrylady, dep habarlaidy "Ult aqparat".
«Jyl saiyn bul is-shara maýsym aiynyń ortasynda ótkiziletin. Biraq mektep bitirýshileri úshin qorytyndy attestattaý emtihandary ótkizilmeitinin jáne UBT-ǵa qashyqtan daiyndalý qajettiligin eskere otyryp, bul is-sharany maýsym aiynyń basyndy ótkizý týraly sheshim qabyldadyq. Is-shara aiasynda saltanatty túrde attestattar tapsyrylyp, 11-synyp túlekteri úshin sońǵy qońyraý soǵylady», - dep málimdedi Bilim jáne ǵylym vitse-ministri Sholpan Karinova Facebook-tegi paraqshasynda.
Is-shara mindetti túrde mektep aýmaǵynda, ashyq aýada, qonaqtarsyz, tek túlekterdiń qatysýymen jáne sanitarlyq normalardy saqtai otyryp ótýi tiis. Attestat tapsyrý rásimine mektep formasynda kelý usynylady.
Sondai-aq, saltanatty bólimnen keiin Ekologiia, geologiia jáne tabiǵi resýrstar ministrligimen birlesip, aǵash otyrǵyzý aktsiiasyn ótkizý josparlanyp otyr. Keiingi jyldary mundai aktsiia dástúrli túrde 25 mamyrǵa orai uiymdastyrylady.
